"Рома" "Бавария" ҳужумкор ярим ҳимоячиси Брайан Сарагоса трансферига яқин турибди.
Sky Sport хабарига кўра, римликлар 24 ёшли испаниялик вингер билан шартнома шартлари бўйича келишиб олган.
Агар мюнхенликлар футболчини қўйиб юборишга рози бўлса, яқин соатлар ичида битим ёпилиши мумкин.
Сарагоса "Сельта"да "Бавария"дан ижара асосида ўйнамоқда. Аввалроқ римликлар испанларга товон пули тўлашга тайёрлиги хабар қилинганди.
Брайан жорий мавсум Ла Лигада 19 та ўйинда 1 та гол ва 1 та голли узатмага муаллифлик қилди.
