"Roma" "Bavariya" hujumkor yarim himoyachisi Brayan Saragosa transferiga yaqin turibdi.

Sky Sport xabariga ko‘ra, rimliklar 24 yoshli ispaniyalik vinger bilan shartnoma shartlari bo‘yicha kelishib olgan.

Agar myunxenliklar futbolchini qo‘yib yuborishga rozi bo‘lsa, yaqin soatlar ichida bitim yopilishi mumkin.

Saragosa "Selta"da "Bavariya"dan ijara asosida o‘ynamoqda. Avvalroq rimliklar ispanlarga tovon puli to‘lashga tayyorligi xabar qilingandi.

Brayan joriy mavsum La Ligada 19 ta o‘yinda 1 ta gol va 1 ta golli uzatmaga mualliflik qildi.