Лондоннинг "Фулхэм" клуби бош мураббийи Марку Силва АПЛнинг 24-туридан ўрин олган "Манчестер Юнайтед" клубига қарши ўйин олдидан матбуот анжуманида чиқиш қилди. Учрашув 1 февраль куни бўлиб ўтади.
"Манчестер Юнайтед"га қарши ўйинлар ҳар доим ўзига хос ва мураккаб ўйинлардир. "Олд Траффорд"да бундан ҳам қийинроқ бўлса керак. Атмосфера, албатта, ажойиб бўлади, бизга бундай чақириқлар ёқади, бу биз учун ажойиб синов бўлади. Бундай жойда мотивацияга тўла жамоага қарши ўзимизни синаб кўриш биз учун катта ютуқ бўлади", - дея мураббийнинг сўзларини келтиради клуб сайти.
"МЮ" 38 очко билан 6-ўринда, "Фулхэм" 34 очко билан 7-ўринда бормоқда.
