"Ницца"нинг ҳужумкор ярим ҳимоячиси Жереми Бога "Ювентус"га ўтмоқда.
Кот-д′Ивуар терма жамоасининг 29 ёшли футболчиси аллақачон Туринга тиббий кўрикдан ўтиш учун етиб келган. "Юве" Богани 5 миллион еврога сотиб олиш ҳуқуқи билан ижарага олди, дея хабар бермоқда Фабрицио Романо.
Эслатиб ўтамиз, 1 декабрь куни "Ницца" мухлислари кетма-кет 6-мағлубиятдан сўнг футболчиларга ҳужум қилгани маълум бўлди. Мухлислар Бога ва Терем Моффини калтаклаб, ҳақорат қилишди ва ижтимоий тармоқларда иккаласи ҳам клубда бошқа ўйнамаслигини айтишди.
Ўшандан бери Боганинг ўзи майдонга тушмади. У бу мавсумда Лига 1да 14та ўйинда 2та гол урди ва 2та голли узатмани амалга оширди.
