«Ливерпуль»нинг марказий ҳимоячиси Ибраима Конате ярим ҳимоячи Флориан Вирцнинг ўйини ҳақида фикр билдирди.

Шанба куни «Ньюкасл»га қарши учрашувда (4:1) Конате ва Вирц биттадан гол урди, яна икки бор Уго Экитике ўз номини таблога ёздириб қўйди. Шунингдек, Вирц француз ҳужумчисига голли пас ҳам берди.

«Флориан учун жуда хурсандман. У ҳозиргина ўз даражасини бутун дунёга кўрсатди. Менимча, у ҳали «Ливерпуль»даги энг юқори чўққисига чиққани йўқ, лекин бу яқин вақтда бўлади», — дея Конатенинг сўзларини келтиради The Touchline.

Флориан Вирц «Байер»дан кўчиб ўтганидан сўнг «Ливерпуль»даги илк мавсумини ўтказмоқда. 22 ёшли футболчи учун инглиз клуби 125 миллион евро тўлаган.