«Ювентус» «Манчестер Сити» академияси тарбияланувчиси, ҳужумчи Жастин Обоавводуо билан шартнома тузиш бўйича келишувга эришди. Бу ҳақда инсайдер Фабрицио Романо ижтимоий тармоқларда хабар берди.

Аввалига 19 ёшли Жастин «Ювентус»нинг U23 жамоасида ўйнайди, кейин эса босқичма-босқич асосий жамоа машғулотларига жалб қилинади. Аввалроқ туринликлар «Бавария» ёшлар жамоасидан Адин Личина билан ҳам шартнома бўйича келишиб олган эди.

Обоавводуо жорий мавсумда «Манчестер Сити» ёшлар жамоаси сафида 18 та ўйин ўтказиб, 6 та гол урди ва 5 та голли узатма амалга оширди. Нигерия илдизларига эга футболчи Англиянинг барча ёшлар терма жамоаларида ўйнаган.