"Борнмут" Мадриднинг "Реал" клуби чап қанот ҳимоячиси Фран Гарсияни қўлга киритишга уриниб кўрди.
Marca хабарига кўра, "гилослар" 26 ёшли футболчини қишдаёқ сотиб олишга тайёр эканлигини маълум қилишган, бироқ "қироллик клуби" жароҳатлар билан боғлиқ вазият фонида бу таклифни рад этган.
Фран Transfermarkt порталида 15 миллионга баҳоланмоқда. Унинг 2027 йил ёзигача мўлжалланган шартномаси бор. У жорий мавсумда 14 та ўйинда 1 та гол урди.













