Португалиялик собиқ ярим ҳимоячи Манише Криштиану Роналдунинг жаҳон чемпионати - 2026 олдидан мотивацияси ҳақида фикр билдирди.
Бўлажак мундиал юлдуз ҳужумчи фаолиятидаги терма жамоа иштирокидаги сўнгги йирик турнир бўлиши кутилмоқда. Пайшанба куни "Ан-Наср" юлдузи 41 ёшга тўлади.
"Мессининг Қатардаги ғалабаси [ЖЧ-2022да Аргентина терма жамоаси билан] Роналдуга қўшимча босим яратади, деб ўйламайман. Криштиану ўз мамлакати учун жаҳон чемпионлигини қўлга киритишни истайди - терма жамоамиз ҳали буни уддалай олмаган," - дея Манишенинг интервьюсидан иқтибос келтиради Al Nassr Zone.
