Карло Анчелотти Бразилия футбол конфедерацияси билан янги узоқ муддатли шартнома тузишга тайёр.
Бразилия терма жамоасининг 66 ёшли бош мураббийи 2030 йилгача мўлжалланган шартномага имзо чекишга рози бўлди, бу ҳақда аввалроқ турли манбалар хабар берган эди. Инсайдер Николо Скиранинг маълум қилишича, агар режалаштирилмаган бирор нарса юз бермаса, келишув яқин кунларда имзоланади.
Карло Анчелотти ўтган йилнинг июнь ойи бошида "пентакампеонлар" бош мураббийи лавозимини эгаллаган эди. Бунгача италиялик мутахассис 4 йил давомида Мадриднинг "Реал" клубида фаолият юритган.
Бразилияликлар бўлажак жаҳон чемпионатида гуруҳ босқичида Марокаш, Шотландия ва Гаити терма жамоаларига қарши баҳс олиб боради.
