Мадриднинг "Реал" клуби сафида марказий ярим ҳимоячи сифатида тўп сураётган Дани Себальос "Райо Вальекано"га қарши кечган ўйин натижасига изоҳ берди.
Испания чемпионатининг 22-туридан ўрин олган учрашув 2:1 ҳисобида "қаймоқранглилар" фойдасига ҳал бўлди. Ғалаба голини ўйиннинг 100-дақиқасида Килиан Мбаппе пенальтидан киритди.
"Жамоа қатъият кўрсатди ва бизга керак бўлган уч очко билан тақдирланди. Стадиондаги муҳит бироз кескин эди, чунки биз вазиятлар яратмадик, аммо аста-секин ўйинимизни яхшиладик", - дея футболчининг сўзларини келтиради "Реал" матбуот хизмати.
"Реал" ҳамон "Барселона"дан ортда қолиб, Ла Лига турнир жадвалида 2-ўринни эгаллаб турибди. Икки гранд ўртасидаги фарқ бир очкони ташкил этади.
