Жаҳоннинг биринчи рақамли теннисчиси, испаниялик Карлос Алькарас Очиқ теннис эрасида "Катта дубулға"нинг барчасида ғалаба қозонган теннисчилар рўйхатидан жой олди. У кеча Австралия очиқ чемпионатининг финалида афсонавий теннисчи, "Мейжорс"ларнинг 24 карра чемпиони, сербиялик Новак Жоковични мағлуб этди – 2:6, 6:2, 6:3, 7:5.
Алькарасдан олдин барча "дубулға"ларни австралиялик Род Лейвер, америкалик Андре Агасси, испаниялик Рафаэль Надал, швейтсариялик Рожер Федерер ҳамда Новак Жоковичлар ютиб олишганди. Австралиядаги ғалаба 22 ёшли Алькарас учун "Катта дубулға" турнирларидаги еттинчи ғалаба бўлди.
