"Арсенал" шотландиялик 18 ёшли иқтидорли ҳужумчини ўз сафига қўшиб олади.
Машҳур инсайдер Фабрицио Романо Лондон клуби раҳбарияти "Хартс" билан ҳужумчи Жеймс Уилсонни сотиб олиш бўйича музокараларни бошлагани ҳақида маълумот берди. Айни дамда клублар ўртасида ушбу мавсум якунига қадар ижарага олиш ва кейинчалик сотиб олиш бўйича музокаралар давом этмоқда.
Sky Sports’нинг қайд этишича, футболчи битимнинг якуний тафсилотларини келишиб олиш учун аллақачон Лондонга йўл олган.
Жеймс Уилсон барча турнирларда "Хартс"нинг катталар жамоаси сафида 45 та ўйинда 8 та гол ва 3 та голли узатмани амалга оширган. Шунингдек, у Шотландия терма жамоаси сафида битта ўйин ўтказган.
