"Барселона" бош мураббийи Ханс-Дитер Флик жамоа учун ҳужумчи Ферран Торрес ва ярим ҳимоячи Фермин Лопеснинг аҳамияти ҳақида фикр билдирди. Торрес Ла Лиганинг 22-туридан ўрин олган "Эльче"га (3:1) қарши ўйинда гол урди.
"Ферран - ақл бовар қилмайдиган футболчи. У билан ишлаш имкониятим борлиги ажойиб, умид қиламанки, у "Барселона"да узоқ вақт қолади. Бундан ташқари, Фермин менга жуда ёқади. Деку ўз ишини аъло даражада бажармоқда, бу клуб келажаги учун яхши янгилик деб ўйлайман. Фермин билан шартномани узайтириш - ажойиб янгилик," - дея Фликнинг сўзларини келтиради AS.
Айни пайтда Каталония клуби Ла Лига турнир жадвалида пешқадамлик қилмоқда.
