Украина терма жамоаси ҳимоячиси Александр Зинченко Амстердамнинг "Аякс" клуби сафига қўшилди. Футболчи келишувни расмийлаштиргандан сўнг ўз фикрларини билдирди.
"Бу машаққатли ўн кун бўлди, аммо ҳаммаси муваффақиятли якунланди. "Аякс" либосида майдонга тушишимни кутяпман. Бу бой тарихга эга катта клуб. Уларнинг ўйин услуби менга ёқади. Ишни имкон қадар тезроқ бошлашни истайман," - дея украиналикнинг сўзларини келтиради Нидерландия клуби матбуот хизмати.
29 ёшли ҳимоячи "Аякс" раҳбариятига 1,5 миллион еврога тушган. Александр амстердамликлар билан жорий мавсум якунига қадар мўлжалланган қисқа муддатли меҳнат шартномасини имзолади.
