«Ренн» бош мураббийи Хабиб Бейе Жереми Жакенинг «Ливерпуль»га трансфери ҳақида фикр билдирди.

Мерсисайдликлар 20 ёшли ҳимоячини 60+12 млн евро эвазига сотиб олди, футболчи жамоага ёзда қўшилади.

«Биз клуб сўраган суммани олдик, ўйинчининг истагини инобатга олдик ва уни мавсум охиригача сақлаб қолдик — бу мумкин бўлган энг яхши келишув, деб ўйлайман. Бу ҳақиқий намунавий ҳолат.

У ўтаётган клуб унга Чемпионлар лигаси ва Европанинг энг кучли лигасида ўйнаш имконини беради. Нима қилмайлик, қандай ҳолат бўлмасин, биз даража, мақсад ва маош жиҳатидан пастдамиз. Бизда рақобат қилиш учун ресурслар йўқ», — деди Бейе.