Каталониянинг "Барселона" клуби устози сифатида фаолият олиб бораётган германиялик мутахассис Ханс-Дитер Флик "кўк-анорранглилар" ҳақида ўз фикрларини билдириб ўтди.
"Барселона"ни яхши кўраман. Мен учун бу дунёнинг энг яхши футбол клуби. Менга бу шаҳарда яшаш ва ишлаш ёқади. Бизда ажойиб раҳбарият ва мураббийлар штаби бор. Шунингдек, менинг ихтиёримда ақл бовар қилмайдиган футболчилар бор", - дея мураббийнинг сўзларини келтиради Mundo Deportivo.
60 ёшли немис Каталония жамоасини 2024 йилнинг ёзида қабул қилиб олганди. Томонлар ўртасидаги амалдаги шартнома муддати 2027 йил июнь ойи охирида тугайди. Ла Лиганинг 22-туридан кейин "Барселона" 55 очко билан пешқадамлик қилмоқда.
