"Ренн" ва "Фамаликан" жамоалари ҳужумчи Ясир Забири трансфери бўйича келишувга эришди.
20 ёшли футболчи билан 2029 йилгача мўлжалланган шартнома имзоланди. L’Equipe хабарига кўра, келишув суммаси 10 млн евро атрофида бўлган.
Марокаш терма жамоаси футболчиси 20 ёшгача бўлган ўсмирлар ўртасидаги сўнгги жаҳон чемпионатида 5 та гол уриб, энг яхши тўпурарга айланди. У финалда дубль қайд этиб, жамоасининг Аргентина устидан ғалабасини таъминлади.
Жорий мавсумда Ясир Португалия чемпионатида 12 та ўйинда майдонга тушиб, 4 та гол урди.
