«Арсенал»нинг собиқ бош мураббийи Арсен Венгер Матвей Сафоновнинг «ПСЖ»даги ўйинлари ҳақида фикр билдирди.

— Матвей бу мавсумда юқори савияда ўйнамоқда. Менимча, энди уни «ПСЖ»нинг асосий дарвозабони деб ҳисоблаш мумкин, — дея Венгернинг сўзларини «РБ Спорт» келтиради.

Эслатиб ўтамиз, бир неча кун олдин «ПСЖ» сафарда «Страсбург»ни 2:1 ҳисобида мағлуб этган эди. Ушбу учрашувни биринчи дақиқалардан бошлаб ўтказган Сафонов ўйиннинг энг яхши футболчиси деб топилди. Биринчи бўлимда у пенальтини қайтарган.

Жорий мавсумда Матвей Сафонов «ПСЖ» сафида 6 та ўйин ўтказиб, 5 та гол ўтказиб юборган.