«Арсенал» 2018 йилдан буён илк бор Англия лига кубоги финалига чиқди.
Микель Артета жамоаси ярим финал жавоб баҳсида «Челси»ни мағлуб этди (1:0) ва ҳал қилувчи учрашувда иштирок этиш йўлланмасини қўлга киритди.
«Канонирлар» ўз тарихида 9-маротаба финалда ўйнайдиган бўлишди — фақат «Ливерпуль» (15), «Манчестер Юнайтед» (10) ва «Челси» (10) бу борада яхшироқ натижага эга. «Манчестер Сити», «Тоттенхэм» ва «Астон Вилла» ҳисобида ҳам 9 тадан финал бор.
«Арсенал» 1993 йилдан бери ушбу совринни қўлга кирита олмаяпти.
