«Челси» янги мураббий қўл остида фақат «Арсенал»га ютқазмоқда.
Лиам Росеньор жамоаси бугун Англия лига кубоги ярим финали доирасидаги дербида имкониятни бой берди — 0:1. Бу жавоб учрашуви эди. Дастлабки ўйинда ҳам «кўклар» мағлуб бўлишганди (2:3).
41 ёшли мутахассис қўл остида «аристократлар» жами 8 та ўйин ўтказишди. Уларнинг 6 тасида жамоа ғалаба қозонган. Қизиғи шундаки, қолган 2 та мағлубиятнинг иккаласи ҳам айнан «Арсенал»дан қабул қилиб олинди.
7 февраль куни «Челси» АПЛ доирасида «Вулверхэмптон» билан тўқнаш келади.
