«Chelsi» yangi murabbiy qo‘l ostida faqat «Arsenal»ga yutqazmoqda.

Liam Rosenyor jamoasi bugun Angliya liga kubogi yarim finali doirasidagi derbida imkoniyatni boy berdi — 0:1. Bu javob uchrashuvi edi. Dastlabki o‘yinda ham «ko‘klar» mag‘lub bo‘lishgandi (2:3).

41 yoshli mutaxassis qo‘l ostida «aristokratlar» jami 8 ta o‘yin o‘tkazishdi. Ularning 6 tasida jamoa g‘alaba qozongan. Qizig‘i shundaki, qolgan 2 ta mag‘lubiyatning ikkalasi ham aynan «Arsenal»dan qabul qilib olindi.

7 fevral kuni «Chelsi» APL doirasida «Vulverxempton» bilan to‘qnash keladi.