«Арсенал» бош мураббийи Микель Артета Лига кубоги ярим финали доирасидаги «Челси» устидан қозонилган ғалабадан (1:0) сўнг ўз таассуротларини билдирди. Икки ўйин натижасига кўра 4:2 ҳисобида устун келган «тўпчилар»га 97-дақиқада Кай Хаверц томонидан киритилган гол якуний ғалабани тақдим этди.

«Муҳим кеча, ҳаммаси идеал тарзда якунланди. Биз жуда қийин бўлишини билардик. Жамоа ажойиб тарзда курашди ва нима қилиш кераклигини тушуниб ҳаракат қилди. Албатта, бу бизга қўшимча куч бағишлайди. Футболчилар кимга қарши ўйнашимиздан қатъи назар, охиригача бора олишимизга тобора кўпроқ ишонишмоқда. Улар буни ҳар куни исботлашлари керак. Энди шанба куни майдонга тушиб, ҳаммасини такрорлашимиз лозим — биз тўхтаб қолмоқчи эмасмиз», — дея Артетанинг сўзларидан иқтибос келтирди BBC.

Финалда «канонирлар» «Манчестер Сити» ёки «Ньюкасл» жамоаларидан бирига қарши майдонга тушишади.