«Милан» Италия чемпионати 23-турининг сўнгги ўйинида «Болонья»ни қийинчиликсиз мағлуб этди — «россонерилар» Винченцо Итальяно жамоаси дарвозасига жавобсиз учта тўп киритди. Ушбу муваффақиятга қарамай, француз ярим ҳимоячиси Адриен Рабьо камтарлик муҳитини сақлаб қолмоқда — у клубни чемпионлик учун асосий даъвогар деб ҳисобламайди.

«Бизнинг мақсадимиз — мавсум якунларига кўра кучли тўртликдан жой олиш. Биз «Рома»дан ўзиб кетдик ва бунинг ўзи жуда яхши. Аввал тўртликдан мустаҳкам жой эгаллаб олайлик, кейин бир гап бўлар», — дея Рабионинг сўзларини келтирмоқда pianetamilan.it.

Эслатиб ўтамиз, «Милан» охирги марта 2022 йилда, ҳали Стефано Пиоли даврида Италия чемпиони бўлган эди.