«Барселона» дарвозабони Жоан Гарсия жорий мавсумдаги ўйинлари ҳақида тўхталиб ўтди. «Эспаньол» собиқ футболчиси «кўк-анорранглилар» сафига ўтганидан сўнг дарҳол асосий таркибдан жой олишга муваффақ бўлди. Яқинда Марк-Андре тер Штеген «Жирона»га ижарага йўл олди ва эндиликда испаниялик посбон Ханс-Дитер Флик жамоасининг муқобилсиз «биринчи рақами» бўлиши кутилмоқда.
«Мен хурсандман. Ниҳоят, мураббий айнан мен ўйнашим керак деб ҳисоблар экан, менга фақат қувониш ва энг яхши спорт формамни сақлаб қолиш қолади. Флик менга билдирган ишончни оқлаш учун қўлимдан келган барча ишни қилишга ҳаракат қиляпман», – дея таъкидлади 24 ёшли дарвозабон Испания Кубоги 1/4 финалида «Альбасете» устидан қозонилган ғалабадан (2:1) сўнг.
Жоан Гарсия ўтган йилнинг июнь ойида 25 миллион евро эвазига «Барселона»га кўчиб ўтган эди.
