«Манчестер Юнайтед» собиқ бош мураббийи Рубен Аморим яқин орада ўз истеъфоси мавзусини кўтармоқчи эмас. Португалиялик мутахассис январь ойи бошида лавозимидан озод этилган эди.
Журналистлар Крис Уилер ва Нэйтан Солтнинг маълумотларига кўра, мураббий мавсум якунланмагунча сукутни бузиш ниятида эмас ва клубдан кетиши ҳақида баёнот бермайди. Мутахассис мавсум авжида матбуотда шов-шув кўтариб, жамоадаги муҳитга салбий таъсир ўтказишни ва мақсадларга эришишда халақит беришни истамаяпти.
Эслатиб ўтамиз, Рубен Аморим 2024 йилнинг ноябрь ойидан буён «қизил иблислар»ни бошқариб келаётган эди. Англияга келишдан аввал у Лиссабоннинг «Спортинг» клубида фаолият юритган.
