"Барселона" бош мураббийи Ханс-Дитер Флик жорий мавсумнинг бориши ҳақида ўз фикрини билдирди. Сешанба куни "кўк-анорранглилар" Испания Кубоги чорак финалида "Альбасете"ни мағлуб этиб (2:1), навбатдаги соврин сари муҳим қадам ташлади. Немис мутахассиси келганидан бери Каталония гранди ички майдондаги барча совринларни қўлга киритиб келмоқда.
"Испания Кубоги ярим финали, Чемпионлар Лигаси умумий босқичида кучли саккизликдан жой олиш ва Ла Лигада биринчи ўрин. Ҳозир айтишим мумкинки, биз олдимизга қўйилган барча мақсадларга эришяпмиз", — деди Флик ўйиндан кейинги суҳбатда.
Эслатиб ўтамиз, январь ойида "Барселона" Испания Суперкубоги финалида Мадриднинг "Реал" клубини мағлуб этиб, турнир ғолибига айланган эди.
