"Ньюкасл" ярим финалда "Манчестер Сити"га умумий 1:5 ҳисобида имкониятни бой бериб, Англия Лига Кубогидан чиқиб кетди.
Жавоб учрашуви чоршанба куни "шаҳарликлар" майдонида бўлиб ўтди ва улар 3:1 ҳисобида ғалаба қозонди. Шундай қилиб, "қарғалар" барча мусобақаларда "Сити"га қарши кетма-кет 12 та сафар ўйинида мағлуб бўлишди. Opta хабарига кўра, бу "Ньюкасл"нинг бир рақиб билан сафардаги мағлубиятлари тарихидаги энг узоқ давом этган сериядир.
7 февраль, шанба куни Эдди Ҳау жамоаси Премьер-лига доирасида "Брентфорд"га қарши баҳс олиб боради. Айни дамда жамоа чемпионат турнир жадвалида 11-ўринни эгаллаб турибди.
"Манчестер Сити" Лига кубоги финалида "Арсенал" билан тўқнаш келади.













