Миланнинг "Интер" клуби "Тоттенхэм" дарвозабони Викарио билан музокара ўтказмоқда.
Ўтган ойда бир неча бор хабар берилганидек, "нерадзуррилар" италиялик футболчини Янн Зоммернинг идеал вориси сифатида кўришмоқда. "Шпорлар" дарвозабонининг ўзи ҳам ватанига қайтишга тайёр ва Милан гранди шарафини ҳимоя қилмоқчи.
Журналист Николо Скиранинг янгиланган маълумотига кўра, куни кеча "Интер" вакиллари 29 ёшли футболчининг агентлари билан учрашган. Томонлар мумкин бўлган ҳамкорлик тафсилотларини муҳокама қилишди.
Викарионинг ўтиши ёзда содир бўлиши мумкин. Transfermarkt порталида футболчининг нархи - 30 млн евро.
