"Манчестер Сити" бош мураббийи Хосеп Гвардиола катта эҳтимол билан "шаҳарликлар"ни тарк этади.
ВВС маълумотига кўра, испаниялик мутахассис 2027 йилда муддати тугайдиган Манчестер клуби билан шартномани узайтирмаслиги кутилмоқда. Гвардиола жорий мавсум якунлангач "Манчестер Сити"ни тарк этадими ёки келишувни охиригача етказадими, ҳозирча номаълум.
Хосеп Гвардиола "Манчестер Сити"ни 2016 йилда қабул қилиб олганди. Унинг қўл остида "шаҳарликлар" олти марта Англия чемпиони бўлган, тўрт марта Лига кубоги, уч марта Англия Суперкубоги, икки марта Англия кубоги, шунингдек, бир мартадан Чемпионлар лигаси, УЕФА Суперкубоги ва клублар ўртасидаги жаҳон чемпионатида ғолиб чиққан.













