«Челси» ярим ҳимоячиси Энцо Фернандес келаётган ёзда Мадриднинг «Реал» клубига ўтиши жуда қийин масала.

Аргентиналик футболчи анчадан бери «қаймоқранглилар»нинг нишони бўлиб келади ва сўнгги пайтларда матбуотда эҳтимолий трансфер ҳақидаги миш-мишлар яна фаол тарқала бошлади. The Athletic нашрининг хабар беришича, «Реал» вакилларига «кўклар»нинг 25 ёшли хавбеки чиндан ҳам ёқади, бироқ футболчининг нархи ҳаддан ташқари юқорилиги сабабли келишув амалга ошиши деярли имконсиз.

Энцо Фернандеснинг «Челси» билан шартномаси фақат 2032 йилда якунига етади, лондонликларнинг катта талаблари ҳам айнан шу билан боғлиқ. Машҳур Transfermarkt портали мутахассислари Жаҳон чемпионининг қийматини 85 миллион еврога баҳоламоқда.