Яқинда Леон Горецканинг ёзда «Бавария»ни тарк этиши ва эркин агент мақомини олиши ҳақида эълон қилинган эди. Германия терма жамоаси аъзоси фаолиятини «Туманли Альбион»да давом эттириши мумкин.
Таниқли журналист Экрем Конурнинг ижтимоий тармоқларда хабар беришича, 30 ёшли Горецканинг ҳолатини кузатиб бораётган клублар қаторига «Арсенал», «Манчестер Юнайтед» ва «Вест Хэм» киради.
Леон Горецка шу вақтга қадар ҳеч қачон бошқа давлат чемпионатларида тўп сурмаган. «Бавария»га қадар ярим ҳимоячи «Бохум» ва «Шальке» клублари шарафини ҳимоя қилган.
2025/2026 йилги мавсумда Горецка 28 та ўйинда майдонга тушиб, ўз ҳисобига битта гол ёздириб қўйди. Transfermarkt портали футболчини 15 миллион еврога баҳоламоқда.
