Мюнхеннинг «Бавария» клуби қанот ҳужумчиси Серж Гнабри билан шартномани 2028 йилгача узайтирганини маълум қилди. Бу ҳақда немис клубининг X ижтимоий тармоғидаги саҳифасида хабар берилди. Вингернинг «қизиллар» билан аввалги келишуви жорий мавсум якунида ўз кучини йўқотиши керак эди.

Эслатиб ўтамиз, Серж Гнабри «Бавария» сафида 2017 йилдан бери тўп суриб келмоқда. У Мюнхен жамоасига Бременнинг «Вердер» клубидан кўчиб ўтган. Шу вақт мобайнида у мюнхенликлар сафида 311 та учрашув ўтказиб, 100 та гол урди ва 69 та голли узатма амалга оширди. ОАВда тарқалган маълумотларга кўра, футболчининг янги шартнома бўйича йиллик маоши 15–16 миллион еврони ташкил этади.

Жорий мавсумда 30 ёшли футболчи клуб сафида барча мусобақаларда 26 та ўйинда иштирок этиб, «гол+пас» тизими бўйича 7+8 кўрсаткич қайд этди.