Криштиану Роналду «Ан-Наср»нинг аввалги ўйинини бойкот қилган эди ва хабарларга кўра, навбатдаги баҳсни ҳам ўтказиб юбормоқчи. Португалиялик юлдуз Саудия Арабистони Суверен жамғармаси клубни бошқариш усулидан норози.
Ушбу бойкот фонида «Ан-Наср» Криштиану Роналдуни туғилган куни билан табриклади. Пайшанба куни португалиялик футболчи 41 ёшга тўлди.
«Афсона юксалишда давом этмоқда. Сенинг ишингга бўлган садоқатинг, менталитетинг ва етакчилигинг орзуларимизни олдинга бошламоқда. Туғилган кунинг билан, Криштиану!» — дейилади «Ан-Наср»нинг ижтимоий тармоқлардаги расмий саҳифасида.
Эртага, жума куни (6 февраль) Саудия Арабистони чемпионати доирасида «Ан-Наср» «Ал-Иттиҳод»га қарши майдонга тушади.
