«Реал» ҳужумчиси Винисиус Жуниор ижтимоий тармоқлар орқали Неймарга мурожаат қилди. Винисиус Бразилия терма жамоасидаги сафдошини таваллуд айёми билан табриклади. Пайшанба куни Неймар 34 ёшни қарши олди.
«Туғилган кунинг билан, ака! Сенга энг яхши тилакларни тилайман! Сени яхши кўраман, Неймар», — деб ёзди Винисиус.
Шу йилнинг ёзида Бразилия терма жамоаси Жаҳон чемпионатида иштирок этади. Карло Анчелотти бошчилигидаги жамоага гуруҳ босқичида Марокаш, Гаити ва Шотландия терма жамоалари рақиблик қилади. «Селесао» сўнгги бор 2002 йилда мундиалда ғолиб чиққан эди.
Клуб миқёсида эса Неймар ҳозирда «Сантос» шарафини ҳимоя қилмоқда. Яқиндагина бразилиялик юлдуз клуб билан шартномасини 2026 йилгача узайтирди.
