«Ньюкасл»нинг юқори савияли ярим ҳимоячиси Сандро Тонали агентлари орқали ўз номзодини «Реал Мадрид»га таклиф қилди. Италиялик футболчининг вакиллари воситачилар орқали «қаймоқранглилар» билан боғланиб, вазиятни ўрганиш ва ёзги трансфер имкониятларини билишга ҳаракат қилишди. Бу ҳақда Defensa Central нашри хабар бермоқда.

Шу билан бирга, манбанинг қайд этишича, «Реал» Тоналини сотиб олмайди. Бир неча йил олдин мадридликлар ушбу футболчини кузатишган эди, бироқ ҳозирги вақтда у клубга керак бўлган ўйинчи эмас.

«Реал»ни футболчининг нархи шубҳага солмоқда — «Ньюкасл» Сандрони 90 миллион евродан камига сотмоқчи эмас. Бундан ташқари, Мадридда 25 ёшли Тонали аллақачон ўз юқори нуқтасига (пик) чиқиб бўлган, деб ҳисоблашмоқда. «Қаймоқранглилар» эса ўсиш потенциалига эга бўлган ёш ўйинчиларга сармоя киритишни афзал кўришади.