«Nyukasl»ning yuqori saviyali yarim himoyachisi Sandro Tonali agentlari orqali o‘z nomzodini «Real Madrid»ga taklif qildi. Italiyalik futbolchining vakillari vositachilar orqali «qaymoqranglilar» bilan bog‘lanib, vaziyatni o‘rganish va yozgi transfer imkoniyatlarini bilishga harakat qilishdi. Bu haqda Defensa Central nashri xabar bermoqda.
Shu bilan birga, manbaning qayd etishicha, «Real» Tonalini sotib olmaydi. Bir necha yil oldin madridliklar ushbu futbolchini kuzatishgan edi, biroq hozirgi vaqtda u klubga kerak bo‘lgan o‘yinchi emas.
«Real»ni futbolchining narxi shubhaga solmoqda — «Nyukasl» Sandroni 90 million yevrodan kamiga sotmoqchi emas. Bundan tashqari, Madridda 25 yoshli Tonali allaqachon o‘z yuqori nuqtasiga (pik) chiqib bo‘lgan, deb hisoblashmoqda. «Qaymoqranglilar» esa o‘sish potensialiga ega bo‘lgan yosh o‘yinchilarga sarmoya kiritishni afzal ko‘rishadi.
