«Аталанта» Италия Кубоги чорак финали доирасида кечган баҳсда ўз майдонида «Ювентус»ни мағлуб этди — 3:0.
Бергамоликлар 27-дақиқада Жанлука Скамакка томонидан пенальтидан киритилган гол эвазига ҳисобни очишди. 78-дақиқада мезбонларнинг иккинчи голига Камалдин Сулемана муаллифлик қилди. Учрашувга якуний нуқтани 85-дақиқада Марио Пашалич қўйди.
Шу тариқа, «Аталанта» Италия Кубоги ярим финалига йўл олди. Раффаэле Палладино шогирдлари навбатдаги босқичда «Болонья» — «Лацио» жуфтлиги ғолиби билан куч синашади.













