«Аталанта» Италия Кубоги чорак финалида Туриннинг «Ювентус» жамоасини жавобсиз учта гол билан том маънода ер тишлатди. Яқиндагина Бергамо клуби сафига (жароҳатдан сўнг) қайтган Джанлука Скамакка муваффақият ҳақида тўхталиб, жамоаси яратилган вазиятлардан унумлироқ фойдаланганини таъкидлади.
«Ўйин аслида жуда кескин ўтди, бизга шунчаки имкониятларимиздан яхшироқ фойдаланиш насиб этди. Бизда бирдам жамоа бор ва бу ғалаба бизга улкан завқ бағишлади», — дея футболчининг сўзларини келтиради calcioatalanta.it.
Эслатиб ўтамиз, «Аталанта» ўз тарихида ушбу турнирда фақат бир марта — 1963 йилда ғолиб чиққан.
