«Аталанта» устози Раффаэле Палладино учун Италия Кубоги чорак финалида «Ювентус» устидан қозонилган ғалаба Бергамо клубини бошқара бошлаганидан бери ўнинчи юбилей ғалабаси бўлди. Палладино ўз қувончини яширмади ва шогирдлари учрашувни юқори даражада ўтказганини таъкидлади.
«Биз «Ювентус»ни тўп назоратидан маҳрум қилиб, идеал ўйин кўрсатдик. Захирадан тушган футболчиларнинг ўйини ҳам менга жуда маъқул келди. Бу ғалабани мухлисларимизга бағишлаймиз, чунки бугун стадионда муҳит аъло даражада эди», — дея Палладинонинг сўзларини келтиради calcioatalanta.it.
Эслатиб ўтамиз, «Аталанта» ўз тарихида ушбу турнирда фақат бир марта — 1963 йилда ғолиб чиққан.
