«Ан-Наср» ҳужумчиси Криштиану Роналду келаётган ёзда чемпионатини ўзгартириши мумкин.
Португалиялик юлдуз клуб ичидаги вазиятдан норози, шу сабабли у ўйинларни бойкот қилмоқда ва жамоадан кетиш имкониятларини кўриб чиқмоқда. Журналист Жеймс Бенжнинг хабар беришича, 41 ёшли футболчи Саудия лигасининг юқори мартабали мулозимларига мавсум якунида кетишга тайёрлигини маълум қилган. Ҳужумчи ўзини «хиёнатга учрагандек» ҳис қилмоқда.
Пайшанба куни Криштиану Роналду 41 ёшни қарши олди. Юлдуз фахрийнинг «Ан-Наср» билан амалдаги меҳнат шартномаси 2027 йилнинг ўрталарига қадар мўлжалланган. Ар-Риёд жамоаси ҳужум етакчиси айни дамда 17 та гол билан чемпионат тўпурарлар пойгасида иккинчи ўринни эгаллаб турибди.
