«An-Nasr» hujumchisi Krishtianu Ronaldu kelayotgan yozda chempionatini o‘zgartirishi mumkin.

Portugaliyalik yulduz klub ichidagi vaziyatdan norozi, shu sababli u o‘yinlarni boykot qilmoqda va jamoadan ketish imkoniyatlarini ko‘rib chiqmoqda. Jurnalist Jeyms Benjning xabar berishicha, 41 yoshli futbolchi Saudiya ligasining yuqori martabali mulozimlariga mavsum yakunida ketishga tayyorligini ma’lum qilgan. Hujumchi o‘zini «xiyonatga uchragandek» his qilmoqda.

Payshanba kuni Krishtianu Ronaldu 41 yoshni qarshi oldi. Yulduz faxriyning «An-Nasr» bilan amaldagi mehnat shartnomasi 2027 yilning o‘rtalariga qadar mo‘ljallangan. Ar-Riyod jamoasi hujum yetakchisi ayni damda 17 ta gol bilan chempionat to‘purarlar poygasida ikkinchi o‘rinni egallab turibdi.