"Реал Мадрид" вингери Франко Мастантуоно ўз жамоадоши Жуд Беллингем ҳақида гапирди. 18 ёшли футболчи ўтган йилнинг август ойида Аргентинанинг "Ривер Плейт" клубидан "қаймоқранглилар" сафига келиб қўшилган эди.
"Беллингем — ажойиб футболчи ва инсон, мен уни жуда яхши кўраман. У "Реал"да менга жуда кўп ёрдам берди", — дея ёш аргентиналикнинг сўзларини келтирмоқда Испания ОАВлари.
Франко Мастантуоно "Реал" сафида барча турнирларда 23 та ўйинда майдонга тушиб, ўз ҳисобига учта гол ва битта голли узатмани ёздириб қўйди. Чиқиб келаётган юлдузнинг мадридликлар билан шартномаси 2031 йилнинг ёзига қадар мўлжалланган.
Жуд Беллингем эса 2023 йилдан бери "қироллик клуби" шарафини ҳимоя қилиб келмоқда.
