"Ньюкасл" ярим ҳимоячиси Сандро Тонали ҳамон "Ювентус" қизиқишлари доирасида бўлиб турибди. Италиялик футболчи аллақачон "кекса синьора"нинг асосий мақсадига айланган, бироқ унинг юқори нархи Турин гранди учун асосий тўсиқ бўлиб қолмоқда. Журналистлар Маттео Моретто ва Фабрицио Романонинг маълумотларига кўра, "Ювентус" умидини узмаган ва хавбек трансфери устида ишлашни баҳорда бошлашни режалаштирмоқда.
"Ньюкасл" ўз футболчиси учун тахминан 90 миллион евро талаб қилмоқда, шу сабабли Премьер-лига клубларида бу келишувни амалга ошириш имконияти "бьянконери"га қараганда анча юқори.
Сандро Тонали 2023 йилнинг ёзида "Милан"дан 60 миллион евродан кўпроқ маблағ эвазига "қарғалар" сафига келиб қўшилган эди. Италия терма жамоаси юлдузининг "Ньюкасл" билан амалдаги шартномаси 2028 йилгача мўлжалланган.
