«Ливерпуль» бош мураббийи Арне Слот Франциянинг «Ренн» клубидан сотиб олинган ёш ҳимоячи Жереми Жакенинг трансфери борасида ўз фикрларини билдирди.
«Жакенинг трансфери? Албатта, бу жуда ёқимли. У жуда иқтидорли, балки шунчаки иқтидордан ҳам юқорироқдир, лекин ёши сабабли биз ҳозирча иқтидор ҳақида гапиряпмиз. Иккинчидан, унга қизиқиш билдирган ягона жамоа биз эмасдик, шунинг учун бу ўйинчиларни сотиб олиш устида астойдил меҳнат қилаётганлар учун катта мақтовдир», — дея таъкидлади Слот.
Жереми Жаке ёзда «Ливерпуль» сафига бориб қўшилади. Transfermarkt франциялик иқтидорнинг трансферини 63,6 миллион еврога баҳолади.
