"Ньюкасл" бош мураббийи Эдди Хау жамоанинг сўнгги муваффақиятсиз натижалари ҳақида фикр билдирди:
"Мағлубият — бу жуда оғир туйғу. Буни қабул қилиш, қайта мушоҳада қилиш ва ундан сабоқ чиқариш керак. Биз буни иложи борича қисқа муддатда амалга оширишга ҳаракат қиляпмиз", — дея Хаунинг сўзларини келтирмоқда "қарғалар" матбуот хизмати.
Мутахассиснинг фикрича, ҳозирги вазиятда энг муҳими — футболчиларнинг кейинги ўйинга ижобий кайфиятда етиб келишидир, гарчи буни амалга ошириш осон бўлмаса-да.
Эслатиб ўтамиз, аввалроқ "Ньюкасл" "Манчестер Сити"га мағлуб бўлиб, Англия лига кубоги финалига чиқа олмаган эди. "Қарғалар" барча турнирларда кетма-кет тўртта ўйиндан бери ғалаба қозона олмаяптилар, шундан учтасида мағлубиятга учрашган.
7 февраль куни Хау шогирдлари "Брентфорд"ни қабул қилади. Англия чемпионатининг 25-туридан ўрин олган ушбу баҳс Тошкент вақти билан 22:30 да бошланади.
