"Манчестер Юнайтед" клуби ярим ҳимоячи Кобби Майну борасидаги кейинги режаларини белгилаб олди. Инсайдер Тайрон Маршаллга маълум бўлишича, "қизил иблислар" раҳбарияти футболчи билан меҳнат шартномасини узайтиришга қарор қилган.
Манкунианликлар яқин орада музокараларни бошлаш ниятида. Томонлар ўртасидаги амалдаги шартнома муддати 2027 йилнинг ёзида якунига етади.
Англия Премьер-лигасининг жорий мавсумида 20 ёшли ярим ҳимоячи 15 та ўйинда майдонга тушиб, битта голли узатмани амалга оширди. "Transfermarkt" портали экспертлари Майнунинг бозор қийматини 40 миллион еврога баҳоламоқда.
Бугунги ҳолатга кўра, "МЮ" АПЛ турнир жадвалида тўртинчи ўринни эгаллаб турибди.
