Бундан 68 йил аввал, 1958 йилнинг 6 февраль куни катта фожиа юз берган эди. "Манчестер Юнайтед" футболчилари бўлган самолёт авиаҳалокатга учраган.
"Манчестер Юнайтед" Белграддаги ўйиндан сўнг Англияга учиб кетаётган эди ва Мюнхенда тўхтаб ўтган. Ёқилғи қуйишдан сўнг парвозга шайланган ҳаво кемаси керакли тезликни ололмаган. Тергов хулосаларига кўра, бунга учиш-қўниш йўлагида қор ва муз аралашмаси тўпланиб қолгани сабаб бўлган. Самолёт ҳавога кўтарила олмай, бир неча сониядан сўнг йўлакдан чиқиб кетган ва бинога бориб урилган.
Авиаҳалокат 23 кишининг, жумладан саккиз нафар футболчининг ҳаётига зомин бўлган.
Эслатиб ўтамиз, айни дамда "Манчестер Юнайтед" Англия чемпионати турнир жадвалида тўртинчи ўринни эгаллаб турибди.
