Бундан 68 йил олдин Мюнхен фожиаси юз бериб, 23 киши, жумладан "Манчестер Юнайтед"нинг саккиз нафар футболчиси ҳаётига зомин бўлган эди. Клуб ушбу мудҳиш воқеа қурбонлари хотирасига бағишланган пост қолдирди.
"Доимо ёдимизда. Ҳеч қачон унутилмайди. Инглиз футболининг гуллари. Манчестер гуллари", — дейилади "қизил иблислар" хабарида.
Ҳозирда "Манчестер Юнайтед" Премьер-лига доирасида "Тоттенхэм"га қарши бўлиб ўтадиган уй учрашувига тайёргарлик кўрмоқда. Жамоалар шанба куни, 7 февраль куни тўқнаш келишади, ўйин Тошкент вақти билан 17:30 да бошланади.
Айни дамда "Манчестер Юнайтед" Англия чемпионати турнир жадвалида тўртинчи ўринни эгаллаб турибди.
