"Барселона" бош мураббийи Ханс-Дитер Флик Испания Ла Лигаси доирасидаги "Мальорка"га қарши ўйин олдидан журналистлар билан мулоқот қилди. Германиялик мутахассис Рафинья ва Педрининг ҳолати ҳақидаги саволларга жавоб берди.
"Рафиньянинг ҳолатими? Биз вазиятни кундан-кунга баҳолаб боряпмиз. Ҳозирда у ўйиндан ташқарида. Тиббий ходимлардан рухсат олиши билан у сафга қайтади. Биз қадамма-қадам илгариламоқдамиз. Педри? Менимча, унинг қайтишига оз қолди. Ҳаммаси режа бўйича кетмоқда. Унда ижобий ўзгаришлар бор", — деди Флик.
"Барселона" ва "Мальорка" ўртасидаги чемпионат учрашуви 7 февраль куни Тошкент вақти билан 20:15 да бошланади.
