«Торино» ҳимоячи Перр Схюрснинг жамоадан кетганини эълон қилди. 26 ёшли нидерландиялик футболчи билан тузилган шартнома томонларнинг ўзаро келишувига асосан бекор қилинди.

Схюрс Турин жамоасида 2022 йилнинг ёзидан буён ўйнаб келаётган эди. У «Аякс»дан 9,4 миллион евро эвазига кўчиб ўтганди. У «Торино» сафида жами 43 та ўйин ўтказиб, 2 та гол урди ва 2 та голли узатмани амалга оширди.

Схюрс «Фортуна» академияси тарбияланувчиси ҳисобланади. Шунингдек, унинг ҳисобида Нидерландия ёшлар терма жамоасида ўтказилган 17 та ўйин ва 2 та гол бор.